Magaj - Magdal (મગજ કે મગદળ)

મગજ કે મગદળ


સામગ્રી
  1. ૫૦૦ ગ્રામ  માગનો લોટ (કકરો) (મગદળ માટે) / બેસન (મગજ માટે)
  2. ૨૫૦ ગ્રામ ખાંડ
  3. ૫૦ ગ્રામ ખોયા (મોળો માવો)
  4. ૧૦ સમારેલી બદામ
  5. ૧૦ સમારેલા પીસ્તા
  6. ૨ ચમચી ઈલાયચી પાવડર
  7. ૨૫૦ ગ્રામ ઘી

પદ્ધતિ
  1. મગના લોટ કે બેસન ને ૧૨૫ ગ્રામ ઘી થી બરાબર મોયી લો.
  2. બાકીના ઘીને કડાઈમાં ગેસ ઉપર ધીમા તાપે ગરમ કરો.
  3. મોયેલા મગના લોટને ઉકળતા ઘી માં હલાવતા-હલાવતા નાખો,
  4. થોડુક ગરમ થયા બાદ તેમાં મોળો માવો ઉમેરો અને હલાવતા રહો.
  5. મિશ્રણ ગરમ થયા બાદ તેમાં ખાંડ, બદામ અને પીસ્તાના ટુકડા તથા ઈલાયચી પાવડર નાખો.
  6. હવે જ્યાં સુધી મિશ્રણ હળવા બદામી રંગનું ના થાય ત્યાં સુધી ધીમા તાપે ગરમ કરો.
  7. હવે ગેસ સ્ટવ બંધ કરી દો.
  8. એક નાની થાળીને ઘી થી ચોપડી તેમાં આ મિશ્રણને પાથરી દો.
  9. ૧૫ મિનીટ સુધી ઠરવા દો.
  10. હુંફાળું હોય ત્યાં સુધીમાં પ્રમાણસર ચોસલા પડી દો.
  11. બીજી ૩૦ મિનીટ સુધી ઠરવા દો.


મગજ પીરસવા માટે તૈયાર છે.